الهجرة السريعة لكندا – Immigration Express Canada

🇹🇳🇨🇦🇹🇳 Immigration Express Canada ..

او الهجرة السريعة لكندا ( 6 أشهر فقط ان توفرت الشروط )

المراحل

1) اول حاجة تعملها هو انك تعدي اللغات ، فما اللغة الرئيسية الي هي الفرنسية لينا احنا كتوانسة و الفرعية الي هي الإنقليزية ( موش لازم اما تقويلك السكور ) :

Test TEF Canada ou Test TCF Canada: اختبار اللغة الفرنسية

IELTS : اختبار اللغة الإنجليزية.

اكبر مجموع نقاط تنجم تحصلوا من الزوز هو 28 نقطة ..
تنجم تعدي الفرنسية بركة اما تولي تخدم علي 24 نقطة بركة..

ننصحكم باش تعديو IELTS حتى لو كان تجيبو سكور متوسط كيف 5 خاطر تنجم تجيكم بنسبة كبيرة ( DI ) يعني بالتونسي استدعاء مباشر من مقاطعة ناطقة بالانجليزية.

( في أفريل 2019 برشا توانسة جاتهم DI مباشر من Nova Scotia و Alberta و new Brunswick الي يجمعهم الكل انو معدين IELTS ).

في السنين القادمة عدد ال DI باش يولي بعشرات الألاف لانو ثلثي الهجرة ماشية للكيبك و كندا دولة كبيرة جداا و مقاطعاتها الكل طالبة يد عاملة.

تنجم تعمل حساب تقريبي للسكور متاعك في الرابط الرسمي هذا :

http://www.cic.gc.ca/francais/immigrer/qualifie/scg-outil.asp

2) ثاني حاجة تمشي تحل compte في الموقع هذا متاع معادلة الشهادات في كندا

http://www.wes.org/ca/fr/index.asp

هوما باش يطلبو عليك قريب 250 دولار لازم يدفعهم عليك واحد يعيش البرة و عندو débit card و انتي تعطيه دينار هوني ..

هو باش يعطيك ورقة شطرها ليك و شطرها تعمرها الكلية الي قريت فيها و باش تبعث relevé de notes originals en français او تولي تبعث copie conforme من البلدية اما كل شئ لازم بالfrancais حتي طابع البلدية ..

و تهز الديبلوم متاعك نعملو ترجمة عند مترجم محلف معترف بيه عند سفارة كندا ..

الاوراق هاذم الكل لازم تبعثهم الكلية الي قريت فيها بجواب مطبوع عليه اسم الكلية و موقع من البرا لمركز المعادلة في كندا و هوما يجاوبوك في فترة بين شهر و 6 اسابيع ان شاء الله انو شهادتك معترف بيها في كندا ..

3) تمشي تجيب ورقة من مدرسة خاصة او صالة رياضية او مستشفى او شركة او اي بلاصة بعدد سنوات العمل معاهم و عدد السوايع كل جمعة اما لازم بالفرنسية خاطر هاذم يزيدوك في النقاط ( على الاقل 12 شهر خبرة ).

4 ) توفر ما يعادل 13000 دولار كندي بالدينار التونسي ( قيمة الدولار الكندي اقل من الدولار الأمريكي ) بحسب سعر الصرف وقتلي انتي باش تقدم اما المبلغ هذا لازم توفرو قبل ما تبدي في شئ باش ما يقولوش متسلفهم ..اما الفلوس راهي متاعك موش لكندا خاطر هذيك عبارة مصروفك لين تلقي خدمة ..

5) تمشي لموقع
https://www.canada.ca/fr/immigration-refugies-citoyennete/services/demande/compte.html

و تحل صفحة باسمك و فيها الاوراق المطلوبة الكل ، هوما باش يقولولك عدد النقاط متاعك و كل شهر باخذو تقريبا بين 5 و 6 الاف شخص ..

الشهر الي فيه عدد النقاط متاعك يوصل باش يبعثولك ايميل فيه يقولولك راك وصلت و باش تجيك في الايميل اقامة دائمة كندية اي نعم résidence permanente و انتي ميزلت في تونس ..

بالطبيعة تنجم السكور متاعك متوسط لكن تجيك DI ( استدعاء ) من مقاطعة إنجليزية فقط لانو مهنتك مطلوبة و خاصة لانك معدي IELTS.

وبعد فما اوراق تحضرهم كيما b3 باش يبعثولك الvisa ..

هاذي تخص المقاطعات الكل الا qubec..