بش نحكيلكم على الفحص الطبي و شنوا المراحل الي بش تتعدو بيها مستقبلا بش تبدو عارفين رواحكم علاش قادمين و ما تبقوش تسئلو و ما تلقوش إجابات ..
بالنسبة للناس الي بش تعدي الفحص الطبي هاو المراحل الي بش تتعدو بيهم بالتفصيل ..
ملاحظة : حظرو أوراقكم كاملين بش ملفكم ما يتعطلش بعد الطبيب و ماذابيكم البطاقة عدد 3 حظروها من توا و هزو البطاقة عدد 3 نهار الفيزيت ميديكال خاتر في صورة ما انك هزيت التوصيل بش يرجعوهولك و يقولولك كي تحظر البطاقة جيبها بإيديك للإدارة العامة و الا يتعطل ملفك لين تحظر البطاقة ..
باهي توا المراحل :
1- امشي صايم نهار الطبيب و لازم ال 7 صباح تكون في المركز الطبي بش تعمل تحليل و بعد التحليل اخرج افطر و ارجع ..
2- تستنى شويا و بعدها تدخل لطبيب يعملك تصويرة على صدرك و يقلك تنفس .
3- تخرج و تطلع للطابق الأول وين تقيس الطول و الميزان و يقيسولك دقات قلبك .
4 – يقولولك امشي للإدارة العامة مش بعيدة ياسر تهزلهم الأوراق المطلوبة منك و ديراكت تو يعطوك إلتزام تمشي تعمرو و تعرف في البلدية متع شارع قرطاج قريبا لمحطة برشلونة متع التران و كانك تعدي بنهار السبت و الا الأحد ترجع نهار الإثنين تهزهم ..
5 – بعد ما تقدم أوراقك و تريڨل جوك ترجع للمركز الطبي بش تكمل بقية الإجراءات قيس النظر . الطب النفسي الي هوا ساهل فقط طبيب يحكي معاك بش يتعرف عليك و يعرف شخصيتك لا أكثر لا أقل و اخر مرحلة طبيب الشغل بش يسئلك أسئلة عادية شنوا عندك امراض عندكش حساسية الخ ( كيما عديتو في الشفاهي ).. و بعد تروح ..
6 – بش يطلبو منك رقم تلفونك الرقم هذاك لازمك ما تقصوش جملة خاتر هذاكا هوا الرقم الي بش يكلموك بيه للخدمة نشالله لازمك ديما تكون متوفر و ملاحظة ينجمو يطلبوك بنومرو اوريدو و الا تيليكوم و الا اورنج مش بالظرورة يكون الرقم فيكس الي بش يطلبك للخدمة ..
ملاحظة الي عندو تأخير في البطاقة عدد 3 كي تحظر يهزها ديراكت بإيديه للإدارة العامة للمسؤولين على الإنتدابات و رد بالك تبعثها بالبوسطة تنجم تضيع و يبقى ملفك معلق ..
7- الي يخدم في خدمة ما يبطلش منها يبقى يخدم لين يكلموه الستاغ للخدمة خاتر المدة الي بش يعيطولك فيها بعد الطبيب تبدي من شهرين و انت ماشي و بالتوفيق للجميع و ما تقلقوش و السلام و قسم حد ما يفكو حد